AIRAS CATERING é unha marca comercial da empresa Freire Chico s.l. fundada en Santiago de Compostela no 1993. Unha firma que naceu arredor da explotación do negocio familiar “Airas Nunes, café”, situado xa no corazón dos visitantes e veciños da cidade, ao que logo se incorpora o servizo de restaurante.

Desde finais do  ano 2009 a empresa incorpora a súa actividade o servizo de cátering a colectividades e eventos. Grazas a unha programación detallada e un investimento destacado é escollida nese ano 2009 polo organismo público Consorcio Galego de Servizos de Igualdade e Benestar dependente da Xunta de Galicia para dar servizo aos colectivos aos que atende. Desde Marzo do ano 2012 está operativa á Cociña Central da empresa no Polígono Industrial do Tambre en Santiago de Compostela. Ocupa 600 m2 e está dotada do equipamento tecnolóxico preciso para liñas de produción, quente, refrixerada e atmósfera protectora, cunha capacidade produtiva de preto de 8.000 menús diarios.

A  formación continua e específica da equipa humana é un piar fundamental da estratexia empresarial de Airas Catering. O delicado do mercado ao que nos diriximos e a especialización tecnolóxica das liñas de traballo que abordamos, así o esixe. A experiencia avala esta necesidade  e demóstranos  que a maior formación, maior sensibilización e implicación co produto final.